ముద్ద బంతి పూవు లాగ ముదోస్తూ వున్నావు
సన్నజాజి తీగ లాగ అల్లుకు పోతున్నావు
జీవితాలలో ఆనందం నింపుతూ వున్నావు
నా తల్లి ఎక్కడ నువ్వు మసులుతూ వున్నావు
సముద్రపు అలల లాగ వచ్చి పోతుంటావు
నిముషమైన నిలకడగా వుండను పోమంటావు
ఆడుతూ పాడుతూ మురిపిస్తువున్నావు
నా తల్లి ఎక్కడ నువ్వు ఆనందంగా వున్నావు
నింగీ లోని నెల వంకను తలపిస్తూ వున్నావు
కోకిల రాగాన్ని ఆలపిస్తూ వున్నావు
నెమలి వోలె నువేప్పుడు నాట్య మాడు తుంటావు
నా తల్లి ఎక్కడ నువ్వు నవ్వుతు వున్నావు
హరి విల్లు లాగ నువ్వు విరిసిపోతున్నావు
తామర పువ్వు లాగ తల్లుక్కు మంటున్నావు
తెల తెల వారక ముందే నిదుర లేస్తున్నావు
నా తల్లి ఎప్పుడు నువ్వు నిదుర పోతున్నావు
No comments:
Post a Comment